وردة إبداع

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة منتدي وردة إبداع
سنتشرف بتسجيلك
شكرا
ادارة المنتدي

إبداع غير محدود


قالو ناس زمان

شاطر
avatar
tawwos
مشرف
مشرف

الفأر
تاريخ التسجيل : 04/03/2011
العمر : 21
الموقع : casablanca

قالو ناس زمان

مُساهمة  tawwos في السبت مارس 19, 2011 8:21 pm

ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو.
اللي بغا يكبر شانو .يحرث مع قرانو
حاجة الخاطر كتسوى القناطر
اختر لولدك الاصل و اختر لبنتك الراجل
خوك خوك لا يغرك صاحبك
الجرح يبرا وكلام العار ما يبرا
حتى شبع صالح عاد قال طعامكم مالح
حرف فالقلوب احسن من عشرة فالكتوب
خسارة المال و لا خسارة الرجال
عند رخصو تخلي نصو
لمكسي بديال الناس عريان
اللي مشى بلا عراضة يجلس بلا فراش
عين بنادم مايعمرها غي التراب
صباح الخير أجاري أنت في حالك و أنا في حالي
على قد لحافك مد رجليك
ديرها فالرجال وترجاها و ديرها فالنسا و لا تنساها
اللي عضو الحنش كيخاف من الحبل
لحوانت متصافه و الارزاق مختلفة
الزين تيحشم على زينو والخايب الا هداه الله
حتى زين ما خطاتو لولا
هبيل تزوج هبيلة وتهنات القبيلة
اللي تيشطح ما تيغطيش وجهو
الرجل بالهمة أما اللحية راها حتى عند العتروس
اللهم النعاس في الخلا ولا ضيافة البخلا, اللهم النعاس في البرد ولا ضيافة القرد
زواج ليلة تدبيره عام
دِيرْ عِينْ شَافَتْ وَعِينْ مَا شِافْتْ
ما كينسي البنت في امها غير همها
خبز الدار ياكلو البراني
كثرة عطيني ما تخلي حد يبغيني
الزين بحروفو؛ ديه لمو تشوفو, القرع بفلوسو؛ أرا داك الراس نبوسو
الطلاب يطلب و مرتو تصدق
إلى مات البو توسد الركبة, الى مات الأم توسد العتبة
المعروض فنهارو, يبقى فدارو
الحرفة الى ما غنات تستر, أو واقيلا تزيد فالعمر
ما حد ليتيمة تتبكي, و ربي تيزيدها
اللي عضو الحنش, تيخاف من الحبل
وريه وريه, و الى عما سير و خليه
انا في همو كندادي وهو فتقلاع وتادي
مي, أجي نوريك دار خوالي
اللي قال ليك العرس ساهل يسقي لو غير الما
ما تيحس بالمزود غير اللي مضروب به
إلى مشى الزين ابقاو حروفو
كون كان الخوخ تايداوي كون داوى راسو
الهضرة للسارية و المعنى للجارية
ايلا تكبر عليك شي عيفة قول ما كيتنفخ غير الجيفة .
سيدي يحرث بلا سكة و لالا تغزل بلا فلكة و الهم جا لعندهم و تكا .
3- اللي بغا الزين يصبر لثقيب الودنين .
هو دق علينا و حنا عرفناه آشنو ناوي و جاوبناه الكبير في الكركاع خاوي .
اللي تلقا ايدو في جيبك عمرو ما يكون حبيبك .
الفم ما بقات فيه حتى سنة وما بغا يتهنا .
حتى شاب عاد دارو ليه الحجاب .
ما درنا بلا شواشي عساك ايلا درنا الشواشي .
اللحية في البيت و العايلة خرجات تجيب الزيت .
0 حاملة و مرضعة و جارا في يديها ربعة و طالعة لجبل تجيب لحبل .
زوجت بنتي تهنيت من صداعها رجعات جارة ربعة في صباعها .
- جيب جيب حتى نحرثو الزبيب .
- باع دارو و كرا عند جارو .
- اللي ما دي منو فايدة و تكلس معاه على مايدة رفاكتو عا زايدة .
- فلوس اللبن يديهم زعطوط .
- ثلاثة من علامات الهبال: الغادي السوق بلا مال و الغادي البير بلا حبال و الكالس وسط الجماعة و ما رادش البال .
- ثلاثة من علامات العذاب : الركاد في الجلاب و الشريب من فم القراب و الزواج ببنت الكلاب .
- اللي في النصلة يكرض البصلة .
- الضيف كيسلم و مول الدار كيخمم .
زين المراة ف ضياها...............وزين العاتق ف حياها
العين صعيبة تتقتل الكسيبة وتخوي الزريبة لهلا يسلطها على الحبيب و الحبيبة
لهلا يسلطها على الحبيب و الحبيبة

قالو زمان الله يرحم من زار وخفف وشكرا لكم
avatar
kalimero
عضو
عضو

تاريخ التسجيل : 11/02/2011

رد: قالو ناس زمان

مُساهمة  kalimero في السبت مارس 19, 2011 8:25 pm

شكراً لك bounce bounce
شكراً لك bounce

شكراً لك bounce
شكراً لك bounce
شكراً لك alien
شكراً لك bounce
شكراً لك
شكراً لك

    الوقت/التاريخ الآن هو الثلاثاء يناير 23, 2018 8:49 am